དབྱིན་ཡུལ་གཞུང་གིས་རྡོ་སོལ་གཏེར་ཁ་གསར་པ་བཀག་སྡོམ་བྱེད་པའི་ཁྲིམས་གཞི་ཁྱབ་བསྒྲགས་བྱས་པ།

ས་གནས་དེ་གའི་དུས་ཚོད་ཟླ་11ཚེས་14ཉིན་དབྱིན་ཇིའི་སྲིད་བློན་ལས་ཁུངས་ཀྱིས་དབྱིན་ཇིའི་གཞུང་གིས་གང་མགྱོགས་རྡོ་སོལ་གཏེར་ཁ་སྔོག་འདོན་གྱི་ཆོག་མཆན་གསར་པ་སྤྲོད་རྒྱུར་ཚོད་འཛིན་དང་རྡོ་སོལ་གཏེར་ཁ་སྔོག་འདོན་གྱི་ལས་གཞི་གསར་པ་བཀག་སྡོམ་བྱེད་པའི་ཁྲིམས་གཞི་གཏན་འབེབས་བྱ་རྒྱུ་ཡིན་ཞེས་བརྗོད་ཡོད།

བྱ་སྤྱོད་འདི་ནི་དབྱིན་ཡུལ་གྱིས་ནུས་ཁུངས་སྒྱུར་བཅོས་ལ་སྐུལ་འདེད་གཏོང་བ་དང་ནག་རྫས་གཏོང་ཚད་ཉུང་དུ་གཏོང་བའི་བྱ་སྤྱོད་ཀྱི་ཆ་ཤས་ཤིག་ཡིན་པ་དང་།

ད་ལོ་དབྱིན་ཡུལ་གྱིས་རྡོ་སོལ་གློག་འདོན་ས་ཚིགས་མཐའ་མ་དེ་སྒོ་བརྒྱབ་པ་རེད། དབྱིན་ཇིའི་ནུས་ཁུངས་དྲུང་ཆེ་མཆོག་གིས་རྡོ་སོལ་གཏེར་ཁ་སྔོག་འདོན་གྱིས་དབྱིན་ཡུལ་ལ་ལོ་ངོ་ ༡༤༠ ལྷག་གི་རིང་ནུས་ཁུངས་མཁོ་སྤྲོད་བྱས་ཡོད་ཀྱང་ད་ལྟ་ནུས་ཁུངས་གཙང་མའི་དུས་རབས་ལ་འཐམ་པའི་དུས་ཚོད་སླེབས་ཡོད་ཅེས་བརྗོད་ཡོད།